47 Dîba adi kakuvua mukalenge mu Edome to;+ muleji mpala kampanda wa mukalenge uvua wenza mudimu bu mukalenge.+

20 Mu matuku ende Edome wakatombokela Yuda+ ne pashishe kuditekelaye wende mukalenge.+ 21 Nunku Yeholama wakasabuka, kuyaye ku Saî ne matempu ende onso, ne wakajuka butuku butuku, kutshimunaye bena Edome bavua bamunyunguluke yeye ne balombodi ba matempu; ne bisumbu bia basalayi biakanyemena ku ntenta yabi. 22 Kadi Edome mmushale mutombokele Yuda too ne lelu. Libina+ pende uvua mutomboke tshikondo atshi.