16 Kadi diakamue pakaluaye ne bukole, muoyo wende wakadibandisha kumufikishabi ku dibutuka, ne wakapanga lulamatu kudi Yehowa Nzambi wende pa kubuela mu ntempelo wa Yehowa bua kuosha musenga wa manananshi pa tshioshelu tshia musenga wa manananshi.+ 17 Diakamue muakuidi Azaya ne bakuidi bakuabu ba Yehowa 80 bavua ne dikima bakamulondakaja. 18 Bakimanyina mukalenge Uziya, kumuambilabu ne: “Uziya, ki mbianyishibue bua wewe kuoshela Yehowa musenga wa manananshi to!+ Anu bakuidi ke badi ne bua kuosha musenga wa manananshi, bualu badi ndelanganyi ya Alona,+ bantu badibu bajidile. Patuka muaba munsantu eu, bualu udi mupange lulamatu ne kuakupeta butumbi kudi Yehowa bua bualu ebu nansha kakese.”