13 Bavua batume mikanda mu maprovense* onso a mukalenge ku diambuluisha dia bafidi ba mikanda, mikale ne dîyi dituma dia kujikija bena Yuda bonso, kubashipa ne kubabutula, nsonga ne muntu mukole muomumue, bana ne bakaji, mu dituku dimue, dituku dia 13 dia ngondo wa 12, mmumue ne: ngondo wa Adâ,+ ne bua kunyenga bintu biabu.+

7 Môdekai wakamuambila malu onso avua mamuenzekele ne bungi bujalame bua makuta+ avua Hamana mulaye bua kufila mu tshibutshilu tshia mukalenge bua babutule bena Yuda.+ 8 Wakamupesha kabidi mukanda uvuabu bafunde mukenji uvuabu bamanyishe mu Shushana*+ bua kubabutula. Uvua ne bua kuwuleja Esetê, kumumvuijawu, ne kumuambila+ bua aye kudi mukalenge bua kulomba luse lua mukalenge ne kumusengelela yeye nkayende bua bena mu tshisamba tshiabu.