14 Wakakuata Yelushalema mujima, bakokeshi bonso,+ bilobo bia mvita bionso, nsenda yonso ne nsenda wa biamu* yonso kuyaye nabu,+ mmumue ne: wakakuata bantu binunu 10 kuyaye nabu. Kakuvua muntu uvua mushale pa kumbusha bapele menemene ba mu buloba.+ 15 Nunku wakakuata Yehoyakina+ kuyaye nende mu Babilona;+ wakaya kabidi ne mamuende wa mukalenge, bakaji ba mukalenge, bena mudimu ba mu lubanza luende, ne bantu banene ba mu buloba, wakabakuata mu Yelushalema kuyaye nabu ku Babilona.

16 Bana ba balume ba Yehoyakima bavua Yekoniya+ muanende ne Sedekiya muanende.

9 Yehoyakina+ uvua ne bidimu 18 pavuaye mulue mukalenge, ne wakakokesha ngondo isatu ne matuku dikumi mu Yelushalema; wakatungunuka ne kuenza malu mabi ku mêsu kua Yehowa.+ 10 Ku ntuadijilu kua tshidimu,* mukalenge Nebukadenesâ wakatuma bantu bua balue nende ku Babilona,+ pamue ne bintu bia mushinga bia mu nzubu wa Yehowa.+ Pashishe wakateka Sedekiya tatuende muakunyi mukalenge wa Yuda ne Yelushalema.+

24 Pashishe, Yehowa wakandeja bisaka bibidi bia mfigi biteka kumpala kua ntempelo wa Yehowa, panyima pa Nebukadenesâ* mukalenge wa Babilona mumane kukuata Yekoniya*+ muana wa Yehoyakima,+ mukalenge wa Yuda, muye nende pamue ne bakokeshi ba Yuda, bansenda ne bafudi ba biamu;* wakumbuka nabu ku Yelushalema kuyaye nabu ku Babilona.+

37 Nunku mukalenge Sedekiya+ muana wa Yoshiya wakatuadija kukokesha pa muaba wa Koniya*+ muana wa Yehoyakima, bualu Nebukadenesâ* mukalenge wa Babilona wakamuteka mukalenge mu buloba bua Yuda.+

31 Pashishe mu tshidimu tshia 37 tshia dikuatshibua dia Yehoyakina+ mukalenge wa Yuda, mu ngondo wa 12, mu dituku dia 25 dia ngondo au, tshidimu tshivua Ewile-melodaka mukalenge wa Babilona mulue mukalenge, wakalekelela* Yehoyakina mukalenge wa Yuda, kumupatulaye mu buloko.+

11 Yoshiya+ wakalela Yekonya+ ne bana babu tshikondo tshivuabu baye nabu ku Babilona.+