-
Nomba 11:11Bible—Nkudimuinu wa bulongolodi bupiabupia
-
-
11 Nunku Mose wakambila Yehowa ne: “Udi mukengeshe muena mudimu webe bua tshinyi? Bua tshinyi tshiena muanyishibue ku mêsu kuebe bua muudi muteke bujitu bua bantu bonso aba pambidi panyi?+
-
-
Nomba 11:15Bible—Nkudimuinu wa bulongolodi bupiabupia
-
-
15 Bikalabi ne: eu ke mushindu uwangenzela malu, ndi nkulomba bua unshipe anu mpindieu.+ Bingikala muanyishibue ku mêsu kuebe, enza bua tshimonyi dikenga dikuabu kabidi to.”
-
-
1 Bakalenge 19:3, 4Bible—Nkudimuinu wa bulongolodi bupiabupia
-
-
3 Nunku wakumvua buôwa, ke yeye kujuka, kunyemaye bua muoyo* wende.+ Wakafika ku Bê-sheba+ wa mu Yuda,+ yeye kushiya muena mudimu wende kuntu aku. 4 Wakenza luendu lua dituku dimue mu tshipela, kufikaye muinshi mua mutshi kampanda wa jenete, yeye kusombamu, kulombaye bua afue.* Wakamba ne: “Mbikumbane! Mpindieu, Yehowa wanyi, angata muoyo* wanyi,+ bualu meme tshiena muimpe kupita bankambua banyi to.”
-
-
Yona 4:2, 3Bible—Nkudimuinu wa bulongolodi bupiabupia
-
-
2 Nunku yeye wakasambila Yehowa ne: “Akaah! Yehowa wetu, mpindieu, ki mbualu ebu bumvua ngelela meji pamvua mu buloba buetu anyi? Ke bualu kayi musangu wa kumpala, mvua mukebe kunyema bua kuya ku Tâshishi;+ bualu mvua mumanye ne: wewe udi Nzambi utu uditeka pa muaba wa bakuabu* ne udi ne luse, utu kayi ukuata tshiji lukasa ne udi muwule tente ne dinanga dia lulamatu,+ eu utu umvua bibi bua dikenga. 3 Mpindieu, Yehowa, umbusha koku muoyo* wanyi, bualu mbimpe meme kufua pamutu pa kushala ne muoyo.”+
-