-
Musambu 14:1-7Bible—Nkudimuinu wa bulongolodi bupiabupia
-
-
14 Muntu mutshimbakane* udi wamba mu muoyo wende ne:
“Yehowa kenaku to.”+
Bienzedi biabu mbinyanguke, ne ngenzelu yabu ya malu mmibipe;
Kakuena muntu udi wenza malu mimpe.+
2 Kadi Yehowa mu diulu udi utangila bana ba bantu panshi
Bua kumona ni kudi muntu udi ne lungenyi lutue, ni kudi muntu udi ukeba Yehowa.+
3 Buonso buabu mbapambuke;+
Buonso buabu mbanyanguke muomumue.
Kakuena udi wenza malu mimpe,
Nansha umue.
4 Kakuenaku muntu wa mu benji ba malu mabi udi ujingulula bualu anyi?
Badi badia bantu banyi bu badi badia mampa.
Kabena babila Yehowa to.
5 Kadi nebuwujibue ne buôwa bukole menemene,+
Bualu Yehowa udi ne tshipungu tshia bantu bakane.
6 Nuenu benji ba malu mabi nudi nukeba kupangisha malu adi muntu mupuekele mulongolole,
Kadi Yehowa udi tshinyemenu tshiende.+
7 Kaah! Lupandu lua Isalele lufuminaku mu Siona!+
Padi Yehowa upingaja bantu bende badi bakuatshibue,
Yakoba ikale ne disanka, Isalele asanke.
-
-
Lomo 3:10Bible—Nkudimuinu wa bulongolodi bupiabupia
-
-
10 anu bu mudibu bafunde ne: “Kakuena muntu udi muakane, nansha umue;+
-