9 Pashishe Yehowa wakakonka Kayina ne: “Muanenu Abele udi penyi?” Yeye kuandamuna ne: “Tshiena mumanye to. Meme ndi mulami wa muanetu anyi?” 10 Ke Yeye kuamba ne: “Tshiudi muenze ntshinyi? Teleja! Mashi a muanenu adi angela lubila kumbukila pa buloba.+

5 Bualu bukuabu, nennane dibanza dia mashi a mioyo yenu.* Nennane dibanza kudi tshifukibua tshionso tshidi ne muoyo; ne nennane muntu yonso dibanza dia muoyo wa muanabu.+

24 Yehu wakangata buta buende bua mikete mu tshianza, kuasaye Yeholama pankatshi pa makaya, ne mukete wakamupatukila pa muoyo, yeye kukulukila mu ditempu diende dia mvita.

26 ‘“Bushuwa, bu mumvua mumone mashi a Nabota+ ne mashi a bana bende malaba,” ke mudi Yehowa wamba, “Nenkufute+ wewe mu tshitupa tshia buloba etshi menemene,” ke mudi Yehowa wamba.’ Nunku mpindieu muambula, umuimanshe mu tshitupa tshia buloba atshi bilondeshile dîyi dia Yehowa.”+

3 Bualu ebu buvua bushuwa bufikile bena Yuda ku dîyi dia Yehowa, bua kubumbusha ku mêsu kuende+ bua mpekatu yonso ivua Manashe muenze,+ 4 ne kabidi bua mashi a bantu bavua kabayi ne bualu avuaye muele panshi,+ bualu uvua muwuje Yelushalema ne mashi a bantu bavua kabayi ne bualu ne Yehowa kavua musue kufua luse to.+

49 Ke bualu kayi meji a Nzambi akamba kabidi ne: ‘Nembatumine baprofete ne bapostolo, nebashipe bakuabu ne nebabakengeshe, 50 bua bapishe* tshipungu tshia bantu etshi bua mashi a baprofete bonso avua medibue panshi katshia ku mbangilu wa ba pa buloba,+ 51 kutuadijila ku mashi a Abele+ too ne ku mashi a Zekâya uvuabu bashipele pankatshi pa tshioshelu ne nzubu.’*+ Eyowa, ndi nnuambila ne: nebaabadile* tshipungu tshia bantu etshi.