• Musambu 15:1-5
    Bible—Nkudimuinu wa bulongolodi bupiabupia

    • 15 Yehowa, nnganyi udi mua kutudila mu ntenta webe?

      Nnganyi udi mua kusombela mu mukuna webe wa tshijila?+

       2 Mmuntu udi wenda kayi kalema,*+

      Wenza malu adi makane,+

      Ne wamba bulelela mu muoyo wende.+

       3 Yeye kena ushiminyinangana malu ne ludimi luende,+

      Kena wenzela mukuende bualu bubi,+

      Ne kena unyangila balunda bende lumu.*+

       4 Udi ubenga muntu yonso udi muakanyine kupetudibua,+

      Kadi udi unemeka badi batshina Yehowa.

      Kena upingana tshianyima bua malu adiye mulaye,* nansha padiwu amubipila.+

       5 Kena usombeshangana makuta ende bua kupeta tshia kasombela,+

      Ne kena witaba mbuejilu bua kupisha muntu udi kayi ne bualu.+

      Muntu yonso udi wenza malu aa kabakumunyukula* nansha kakese.+

  • Musambu 84:1-4
    Bible—Nkudimuinu wa bulongolodi bupiabupia

    • 84 Ke mudi ntenta webe munene wa tshitendelelu mulengele* nunku,+

      Yehowa wa biluilu!

       2 Meme yonso mujima* ndi nzuka,

      Eyowa, ndi ngamba kufua ne dijinga dikole,

      Bua mbanza ya Yehowa.+

      Muoyo wanyi ne mubidi wanyi bidi biela mbila ne disanka kudi Nzambi wa muoyo.

       3 Nansha nyunyi udi upetaku muaba wa kusombela

      Ne kandindi disua diaku,

      Muaba udiku kalamina tuana tuaku

      Pabuipi ne tshioshelu tshiebe tshinene, wewe Yehowa wa biluilu,

      Mukalenge wanyi ne Nzambi wanyi!

       4 Ba diakalenga mbadi basombele mu nzubu webe!+

      Badi batungunuka ne kukutumbisha.+ (Sela)