10 Ke yeye kuamba ne: “Mvua ne tshisumi tshikole bua Yehowa Nzambi wa biluilu;+ bualu tshisamba tshia Isalele ntshilekele tshipungidi tshiebe,+ ntshiupule bioshelu biebe, ne ntshishipe baprofete bebe ne muele wa mvita,+ ne anu meme nkayanyi ke udi mushale. Mpindieu badi bakeba bua kuangata muoyo* wanyi.”+

12 Yezu wakabuela mu ntempelo, kuelaye bantu bonso bavua basumbisha ne basumba bintu mu ntempelo pambelu, wakatonkola mêsa a bashintudi ba makuta ne bibasa bia bavua basumbisha nyunyi ya nkutshi.+ 13 Wakabambila ne: “Mbafunde ne: ‘Nebabikile nzubu wanyi ne: nzubu wa disambila,’+ kadi nuenu nudi bamuvuije tshisokomenu tshia banyengianganyi ba bintu.”+

15 Nunku, bakalua ku Yelushalema. Kuoku aku wakabuela mu ntempelo, kutuadijaye kuela bantu bavua basumbisha ne basumba bintu mu ntempelo pambelu, kutonkolaye mêsa a bashintudi ba makuta ne bibasa bia bavua basumbisha nyunyi ya nkutshi,+ 16 kavua ulekela muntu nansha umue upitshila mu ntempelo ne tshintu to. 17 Uvua ulongesha, ubambila ne: “Ki mbafunde ne: ‘Nebabikile nzubu wanyi ne: nzubu wa disambila bua bantu ba bisamba bionso anyi’?+ Kadi nuenu nudi bamuvuije tshisokomenu tshia banyengianganyi ba bintu.”+

13 Kadi Pasaka*+ wa bena Yuda ukavua pabuipi, ne Yezu wakabanda ku Yelushalema. 14 Wakasangana mu ntempelo bantu bapana ngombe, mikoko ne nyunyi ya nkutshi+ ne bashintudi ba makuta basombe mu nkuasa yabu. 15 Nunku yeye mumane kuenza mfimbu ne mionji, wakipata bantu bonso bavua ne mikoko ne ngombe, kubapatulaye mu ntempelo, kuitshikijaye makuta a binjanja a bashintudi panshi, kutonkolaye mêsa abu.+ 16 Wakambila bavua bapana nyunyi ya nkutshi ne: “Umbushayi bintu ebi muaba eu! Lekelayi kuvuija nzubu wa Tatu wanyi nzubu wa kuendela mushinga!”*+ 17 Bayidi bende bakavuluka tshidibu bafunde ne: “Tshisumi bua nzubu webe netshindie.”+