7 “Bikala muanenu mulue mupele munkatshi muebe mu tshimue tshia ku bimenga bidi mu buloba budi Yehowa Nzambi webe ukupesha, kukoleshi muoyo webe anyi kuikadi ne minu mikole kudi muanenu mupele to.+ 8 Bualu udi ne bua kumubuluila tshianza tshiebe bikole+ ne mu mishindu yonso kumusombesha* tshionso tshidiye natshi dijinga anyi tshidiye mupangile.

34 Kabidi, binuikala nusombesha bintu* anu kudi bantu banudi batekemene bua banufute, nudi nupeta difutu kayi?+ Nansha benji ba mpekatu batu basombesha benji ba mpekatu nabu bintu bua bamone mua kupeta bia muomumue. 35 Kadi nuenu, tungunukayi ne kunanga bena lukuna benu, ne kuenzelangana malu mimpe, ne kusombeshangana bintu kanuyi nutekemena bua banupingajile tshintu;+ nunku difutu dienu nedikale dinene, ne nenuikale bana ba Mutambe Bunene, bualu yeye mmuimpe kudi bantu badi kabayi ne dianyisha ne kudi bantu babi.+

35 Ndi munuleje mu malu onso ne: mu dienza mudimu mukole mushindu eu+ ke munudi ne bua kuambuluisha badi batekete ne munudi ne bua kuvuluka mêyi a Mukalenge Yezu pavuaye yeye nkayende muambe ne: ‘Disanka dia kufila+ ndipite dia kuangata.’”

16 Bualu bukuabu, kanupu muoyo bua kuenza malu mimpe ne kuabanyangana bintu binudi nabi ne bakuabu,+ bualu Nzambi udi usanka bua milambu ya nunku.+