• 2 Samuele 22:8-16
    Bible—Nkudimuinu wa bulongolodi bupiabupia

    •  8 Buloba buakatuadija kunyukuka ne kukanka kumpala ne panyima;+

      Bishimikidi bia diulu biakazakala+

      Ne biakatenkakana kumpala ne panyima bualu bavua bamufiikishe munda.+

       9 Muishi wakabanda ufuma mu mimpempe yende,

      Ne kapia kadi kashidisha kakapatuka mukana muende;+

      Makala adi akenka ne kapia akatema afumina kudiye

      10 Wakinamija diulu pavuaye upueka,+

      Ne mifitu mikole ivua muinshi mua makasa ende.+

      11 Uvua mubande pa mukeluba,+ kuluaye wenda ubuuka.

      Uvua umueneka pa mapuapua a tshifukibua tshia mu nyuma.*+

      12 Pashishe wakateka mîdima ku nseke yende yonso bu muaba wa kueyema,+

      Mu mâyi mafiikuluke ne matutu a mifitu.

      13 Makala a kapia akakenka afumina mu bukenke bua kumpala kuende.

      14 Pashishe Yehowa wakatuadija kukungula mu diulu;+

      Mutambe Bunene wakenza bua dîyi diende diumvuike.+

      15 Wakela mikete yende,+ kubatangalajaye;

      Mipenyi, kubabuejaye mu kayumbayumba.+

      16 Panshi pa mbuu pakamueneka;+

      Bishimikidi bia buloba biakedibua patoke bua kutanda kua Yehowa,

      Bua dipatuka dia mupuya mu mimpempe yende.+