• Musambu 70:1-5
    Bible—Nkudimuinu wa bulongolodi bupiabupia

    • 70 Nzambi wanyi, umpandishe;

      Yehowa wanyi, luaku lukasa bua kungambuluisha.+

       2 Badi bakeba kuangata muoyo* wanyi

      Bafuishibue bundu ne bapuekeshibue milongo.

      Badi basanka bua dikenga dianyi

      Bapingane tshianyima bapuekeshibue milongo.

       3 Badi bamba ne: “Woloo! Woloo!”

      Bapingajibue tshianyima ne bundu.

       4 Kadi badi bakukeba

      Basanke bikole ne bikale ne disanka bua bualu buebe.+

      Badi banange bienzedi biebe bia lupandu bambe misangu yonso ne:

      “Nzambi atumbishibue!”

       5 Kadi tshiena mua kudisungila, ndi mupele;+

      Nzambi wanyi, enzaku malu lukasa bua bualu buanyi.+

      Wewe udi muambuluishi wanyi ne musungidi wanyi;+

      Yehowa wanyi, kujingakanyi to.+