-
Genese 9:20, 21Bible—Nkudimuinu wa bulongolodi bupiabupia
-
-
20 Noa wakatuadija kudima, yeye kudima budimi bua tumuma tua mvinyo. 21 Dimue dituku, Noa wakanua mvinyo, kukuatshikaye, kushalaye butaka mu ntenta wende.
-
-
Nsumuinu 23:29-35Bible—Nkudimuinu wa bulongolodi bupiabupia
-
-
29 Nnganyi udi ne diakabi? Nnganyi udi ne kanyinganyinga?
Nnganyi udi ne matandu? Nnganyi udi udilakana?
Nnganyi udi ne mputa kakuyi bualu? Nnganyi udi ne mêsu matekete?*
31 Kutangidi bukunze bua mvinyo
Padiye wengelela mu dikopo ne upueka bimpe bimpe,
32 Bualu ku ndekelu udi usuma bu nyoka,
Ne udi upatula mulungu bu wa nyoka wa lulengu.
33 Mêsu ebe neamone bintu bia dikema,
Ne muoyo webe newakule bintu bibi.+
34 Nunku newikale bu muntu udi mulale munkatshi mua mbuu,
Bu muntu udi mulale pa lusongo lua mutshi wa tshilamba tshitubu baludika natshi mazuwa.
35 Wewe newambe ne: “Mbankume, kadi tshivua mumvue.*
Mbantute, kadi tshivua mumanye.
Nembike dîba kayi?+
Ndi dijinga ne kunua kabidi.”*
-