8 “Padi muntu ukubikila mu tshibilu tshia dibaka, kudiadiji muaba wa lumu lua bungi to.+ Pamuapa badi mua kuikala kabidi babikile muntu munene kukupita wewe. 9 Nunku muntu uvua munubikile nuenu bonso babidi nealue, neakuambile ne: ‘Shila muntu eu muaba webe au.’ Dîba adi, neuye kusomba muaba mupuekele bikole ne bundu. 10 Kadi padibu bakubikila, ndaku, udiadije muaba mupuekele bikole, nunku padi muntu uvua mukubikile ulua, neakuambile ne: ‘Mulunda wanyi, bandila ku mutu.’ Dîba adi, newikale ne bunême kumpala kua babikidibue nebe bonso.+

5 Bia muomumue, nuenu bansongalume, nukokele bantu bakulumpe.*+ Kadi buonso buenu nuvuale* didipuekesha* kudi umue ne mukuabu, bualu Nzambi kena wanyisha badibandishi, kadi udi upesha bantu badi badipuekesha ngasa.+