18 Neudie bintu ebi kumpala kua Yehowa Nzambi webe muaba wikala Yehowa Nzambi webe mua kusungula,+ wewe, muanebe wa balume, muanebe wa bakaji, muena mudimu webe mulume ne mukaji, ne muena Lewi udi musombele mu bimenga* biebe; ne neusanke kumpala kua Yehowa Nzambi webe bua midimu yebe yonso.

22 Nunku, ngakamona ne: kakuena tshintu tshimpe bua muntu tshidi tshipite kupetela disanka mu mudimu wende,+ bualu edi ndifutu diende;* bualu nnganyi udi mua kumupesha bukole bua kumona malu alua kuenzeka panyima yeye katshiyiku?+

15 Nunku ngakatumbisha disanka,+ bualu kakuena tshintu muinshi mua dîba bua muntu tshidi tshimpe kupita kudia, kunua ne kusanka; bualu ebu budi ne bua kuikala nende padiye wenza mudimu mukole mu matuku a muoyo wende+ adi Nzambi mulelela umupesha muinshi mua dîba.

17 nansha muvuaye kayi mudishiye kakuyi tshijadiki+ bu muvuaye muenze malu mimpe, unulokeshila mvula ya mu diulu, unupesha mivu ya biakudia,+ unukutshisha ne biakudia ne uwuja mioyo yenu ne disanka.”+