15 Diakamue pavua bantu bavua bambule Mushete bafike ku Yadene ne bakuidi bavua bambule mushete batue makasa abu mu mâyi a ku muelelu (pabi Yadene uvua uwula bikole upita pa mikalu yende+ matuku onso a dinowa), 16 mâyi avua apueka afumina ku mutu akimana. Akimana mabande muulu menze bu nkila* kule menemene ku Adama, tshimenga tshidi pabuipi ne Saletana, pavua mâyi avua apueka ku Mbuu wa mu Alabâ, Mbuu wa Mukele,* enda akama. Mâyi akakosoloka, ne bantu kusabukabu dia muamua bitangilangane ne Yeliko.

8 Pashishe Eliya wakangata tshilamba tshiende tshia mudimu,+ kutshivungaye, kukumaye pa mâyi, ne mâyi akakosoloka, kuyawu ku dia bakaji ne ku dia balume, ne bubidi buabu bakasabukila pa buloba bume.+