23 “Tangilayi! Nsongakaji utshidi kamama neimite difu, nealele muana wa balume, nebamuinyike ne: Emanuele,”+ padibu bakudimuna biumvuija ne: “Nzambi udi netu.”+

30 Ke muanjelu kumuambila ne: “Mariya, kutshinyi to, bualu udi muanyishibue kudi Nzambi. 31 Tangila! newimite difu,* neulele muana wa balume,+ udi ne bua kumuinyika ne: Yezu.+ 32 Yeye eu neikale munene,+ nebamubikile ne: Muana wa Mutambe Bunene,+ ne Yehowa* Nzambi neamupeshe nkuasa wa bukalenge wa tatuende Davidi,+ 33 ne neakokeshe bu Mukalenge ku mutu kua nzubu wa Yakoba bua kashidi, Bukalenge buende kabuakuikala ne ndekelu to.”+

34 Kadi Mariya wakakonka muanjelu ne: “Bualu ebu nebuenzeke mushindu kayi bualu meme tshiena muanji kusangila ne mulume?”+ 35 Muanjelu wakamuandamuna ne: “Nyuma muimpe* nealue kuudi,+ bukole bua Mutambe Bunene nebukubuikile. Bua bualu abu, eu waledibua nebamubikile ne: wa tshijila,+ Muana wa Nzambi.+