“Luayi, tubande ku mukuna wa Yehowa,

Ku nzubu wa Nzambi wa Yakoba.+

Yeye neatulongeshe njila yende,

Ne tuetu netuendele mu njila yende.”+

Bualu mukenji* newupatuke mu Siona,

Ne dîyi dia Yehowa nedipatuke mu Yelushalema.+

 4 Yeye neakose bilumbu munkatshi mua bisamba

Ne nealulamije malu* adi atangila bukua bantu buvule.

Nebafule miele yabu ya mvita kuyivuija nkasu ya kudima nayi

Ne mafuma abu kuavuija miele ya kusonza nayi mitshi.+

Tshisamba katshiakujudila tshisamba tshikuabu muele wa mvita,

Kabakulonga kabidi mvita nansha.+

 6 Mbua wa ditu neasombe bua tshikondo kampanda ne muana wa mukoko,+

Ne nkashama nealale pamue ne muana wa mbuji,

Ne muana wa ngombe ne ntambue* ne nyama wa manyi nebikale bionso kaba kamue;*+

Ne muana mutekete neabilombole.

 7 Ngombe mukaji ne nyama wa urse nebidie kaba kamue,

Ne bana babi nebalale kaba kamue.

 8 Muana utshidi wamua dibele neanayile pa buina bua nyoka wa kobra,

Ne muana ukadi mulekele dibele neateke tshianza tshiende pa buina bua nyoka wa lulengu.

 9 Kabiakuenzelangana bibi+

Anyi kukebesha tshinyangu mu mukuna wanyi wonso wa tshijila to,+

Bualu buloba nebuwule tente bushuwa ne dimanya dia Yehowa

Bu mudi mâyi abuikila mbuu.+

“Luayi, tubande ku mukuna wa Yehowa

Ne ku nzubu wa Nzambi wa Yakoba.+

Yeye neatulongeshe njila yende,

Ne tuetu netuendele mu njila yende.”

Bualu mukenji* newupatuke mu Siona,

Ne dîyi dia Yehowa nedipatuke mu Yelushalema.