TSHIBUTSHILU TSHIA MIKANDA TSHIA KU ENTERNETE tshia Watchtower

2 Bakalenge 17:13, 14

Bible—Nkudimuinu wa bulongolodi bupiabupia
- 13 Yehowa uvua anu udimuija Isalele ne Yuda ku butuangaji bua baprofete bende bonso ne mumonyi yonso wa bikena kumona+ wamba ne: “Lekelayi njila yenu mibi!+ Lamayi mêyi anyi ne mikenji yanyi mifunda bilondeshile mikenji yonso imvua muelele bankambua benu ne imvua munutumine ku butuangaji bua bena mudimu banyi baprofete.” 14 Kadi kabakateleja to, ne bakashala ne tshitunu* anu bu bankambua babu bavua kabayi baleje ditabuja kudi Yehowa Nzambi wabu.+

Hoshea 7:10

Bible—Nkudimuinu wa bulongolodi bupiabupia
- 10 Lutambishi lua Isalele ndumutuishe,+
  Kadi bobu ki mbapingane kudi Yehowa Nzambi wabu,+
  Ki mbamukebe nansha mudiku malu onso aa.

Amosa 4:6

Bible—Nkudimuinu wa bulongolodi bupiabupia
- 6 ‘Kadi meme, ngakasukula biakudia ku mênu enu* mu bimenga bienu bionso
  Ne ngakenza bua diampa dipangike mu nzubu yenu yonso;+
  Kadi kanuvua bapingane kundi,’+ ke mudi Yehowa wamba.

Amosa 5:6

Bible—Nkudimuinu wa bulongolodi bupiabupia
- 6 Kebayi Yehowa, nushale ne muoyo,+
  Bua yeye kalu kutayika bu kapia pa nzubu wa Jozefe,
  Kosha Betele, kakuyi muntu wa kukajima.