-
Lewitiki 18:24Bible—Nkudimuinu wa bulongolodi bupiabupia
-
-
24 “‘Kanudivuiji bakoya bua bualu nansha bumue bua ku malu aa, bualu bisamba bindi ngipata kumpala kuenu bivua bidivuije bikoya bua malu onso aa.+
-
-
Nomba 35:33, 34Bible—Nkudimuinu wa bulongolodi bupiabupia
-
-
33 “‘Kanuena ne bua kunyanga buloba bunudi nusombela to, bualu mashi adi anyanga buloba,+ ne kakuena mua kuikala dibuikila dia mpekatu bua mashi adibu bele panshi, anu ku mashi a muntu uvua muele mashi au panshi.+ 34 Kuena ne bua kunyanga buloba bunudi basombele, bundi meme panyi musombele; bualu meme Yehowa ndi musombele munkatshi mua tshisamba tshia Isalele.’”+
-
-
2 Kulondolola 33:9Bible—Nkudimuinu wa bulongolodi bupiabupia
-
-
9 Manashe wakatungunuka ne kupambuisha Yuda ne bena mu Yelushalema, ubafikisha ku dienza malu mabi matambe kupita bisamba bivua Yehowa mubutule kumpala kua bena Isalele.+
-
-
Yelemiya 3:1Bible—Nkudimuinu wa bulongolodi bupiabupia
-
-
3 Bantu badi bakonka ne: “Mulume yeye muipate mukajende, ne yeye mumbuke kudiye, mulue mukaji wa muntu mukuabu, mulume au udi ne bua kupingana kabidi kudiye anyi?”
Buloba abu ki mbunyanguke bikole menemene anyi?+
“Udi muende masandi ne bena diebe ba bungi,+
Ne mpindieu udi ne bua kupingana kundi anyi?” ke mudi Yehowa ukonka.
-
-
Yelemiya 23:10, 11Bible—Nkudimuinu wa bulongolodi bupiabupia
-
-
10 Bualu buloba mbuwule tente ne bena masandi;+
Bua bualu bua mulawu, buloba mbubuele mu madilu+
Ne mpata ya mu tshipela ya kudishila nyama mmiume.+
Luendu luabu ndubi, ne badi benza mudimu bibi ne bukole buabu.
11 “Baprofete ne bakuidi mbanyanguke* buonso buabu.+
Nansha mu nzubu muanyi muine ndi musanganamu malu mabi abu,”+ ke mudi Yehowa wamba.
-