3 Nunku Mose wakabanda kudi Nzambi mulelela, ne Yehowa wakamubikidila ku mukuna,+ wamba ne: “Newambile nzubu wa Yakoba ne newambile bena Isalele nunku:

5 Mpindieu nuenu batumikile dîyi dianyi ne muoyo mujima ne balame tshipungidi tshianyi, nenulue bushuwa tshisamba tshianyi tshia pa buatshi* munkatshi mua bisamba bionso,+ bualu buloba bujima mbuanyi.+

7 Pashishe wakangata mukanda wa tshipungidi, kuwubadilaye bantu ne dîyi dikole.+ Ke bobu kuamba ne: “Tudi tuitaba bua kuenza bionso bidi Yehowa muambe, ne netutumikile.”+

32 Katshiakuikala bu tshipungidi tshimvua mudie ne bankambua babu dituku dimvua mubakuate ku tshianza bua kubapatula mu buloba bua Ejipitu+ to, ‘tshipungidi tshianyi tshivuabu bashipe,+ nansha mumvua mfumuabu mulelela,’* ke mudi Yehowa wamba.”

18 Mona tshienzekela bantu bavua bashipe tshipungidi tshianyi pa kubenga kutumikila mêyi a tshipungidi tshivuabu badie kumpala kuanyi pavuabu bakose muana wa ngombe mu bitupa bibidi ne bapitshile munkatshi mua bitupa ebi,+ 19 mmumue ne: bakokeshi ba Yuda, bakokeshi ba Yelushalema, bena mudimu ba mu lubanza lua mukalenge, bakuidi, ne bantu bonso ba mu buloba ebu bavua bapitshile munkatshi mua bitupa bia muana wa ngombe: 20 Nembafile kudi bena lukuna babu ne kudi badi bakeba kuangata mioyo yabu,* ne bitalu biabu nebilue biakudia bia nyunyi ya muulu ne bia nyama ya pa buloba.+