• Yelemiya 5:26-28
    Bible—Nkudimuinu wa bulongolodi bupiabupia

    • 26 Bualu munkatshi mua bantu banyi mudi bantu babi.

      Badi batungunuka ne kutentekela bu padi bilembi bia nyunyi bibutama.

      Badi bela buteyi bua lufu.

      Bantu ke badibu bakuata.

      27 Bu nsanji udi muwule tente ne nyunyi,

      Ke mudi nzubu yabu miuwule tente ne mashimi.+

      Ke bualu kayi mbalue bantu ba bukole ne babanji.

      28 Mbase manyi ne mbasenene;

      Mbuwule tente ne malu mabi ayila too ne panshi.

      Kabena balumbuluila muana udi mufuishe tatuende tshilumbu tshiende,+

      Bua bamone mua kuya kumpala;

      Ne badi bapala bapele kulumbuluisha kuakane.’”+

  • Mika 2:1, 2
    Bible—Nkudimuinu wa bulongolodi bupiabupia

    • 2 “Diakabi dikale kudi badi belangana meji a malu mabi,

      Badi bapangadija malu mabi pa malalu abu!

      Padi butoke bua mu dinda bulua, badi baakumbaja,

      Bualu adi ku bukokeshi bua tshianza tshiabu.+

       2 Badi balakana madimi ne baanyenga;+

      Badi balakana kabidi nzubu, badi bayangata;

      Badi bashimakaja muntu bua kuangata nzubu wende,+

      Bashimakaja muntu bua kuangata bumpianyi buende.