15 Yehowa Nzambi wa bankambua babu uvua anu ubadimuija ku diambuluisha dia bantu bavuaye utuma ne mikenji, ubadimuija misangu ne misangu, bualu uvua mumvuile tshisamba tshiende ne muaba wende wa kusombela luse. 16 Kadi bakatungunuka ne kupepeja bantu bavua Nzambi mulelela+ utuma ne mikenji, bakapetula mêyi ende+ ne kusekabu baprofete bende,+ too ne pavua tshiji tshikole tshia Yehowa tshitemene bantu bende,+ too ne pavuaku kakuyi mushindu wa kubondopa.

26 “Kadi bakatuadija kubenga kutumikila, bobu kukutombokela+ ne kuelabu Mikenji yebe nyima.* Bakashipa baprofete bebe bavua babadimuija bua kubapingaja kuudi, ne bakenza malu a dipanga kanemu dikole.+

30 Wakabaleja lutulu+ bidimu bia bungi ne uvua anu ubadimuija ne nyuma webe ku butuangaji bua baprofete bebe, kadi bakabenga kuteleja. Ndekelu wa bionso wakabafila mu tshianza tshia bisamba bia mu maloba avua mabanyunguluke.+

3 “Kumbukila mu tshidimu tshia 13 tshia Yoshiya+ muana wa Amona, mukalenge wa Yuda, too ne lelu eu, bidimu ebi 23, dîyi dia Yehowa ndilue kundi, ne ngakatungunuka ne kunuambila njila ne njila,* kadi kanuakateleja to.+