1 Aa mmêyi a Yelemiya* muana wa Hilekiya, umue wa ku bakuidi ba mu Anatota+ mu buloba bua Benyamina. 2 Dîyi dia Yehowa diakalua kudiye mu matuku a Yoshiya+ muana wa Amona,+ mukalenge wa Yuda, mu tshidimu tshia 13 tshia bukokeshi buende.

3 “Kumbukila mu tshidimu tshia 13 tshia Yoshiya+ muana wa Amona, mukalenge wa Yuda, too ne lelu eu, bidimu ebi 23, dîyi dia Yehowa ndilue kundi, ne ngakatungunuka ne kunuambila njila ne njila,* kadi kanuakateleja to.+