-
Yelemiya 14:13Bible—Nkudimuinu wa bulongolodi bupiabupia
-
-
13 Bua bualu ebu ngakamba ne: “Aka, Mukalenge Mutambe Bunene Yehowa! Mona baprofete badi babambila ne: ‘Kanuakumona muele wa mvita, ne tshiyole tshia nzala katshiakunukuata to, kadi nennupeshe ditalala dilelela muaba eu.’”+
-
-
Yelemiya 23:16, 17Bible—Nkudimuinu wa bulongolodi bupiabupia
-
-
16 Mona tshidi Yehowa wa biluilu wamba:
“Kanuteleji mêyi a baprofete badi banuambila mêyi a buprofete.+
Badi banushima.*
Tshikena kumona tshidibu bamba tshidi tshifumina mu muoyo wabu bobu,+
Katshiena tshifumina mukana mua Yehowa+ to.
17 Badi bambila bantu badi kabayi bannemeka, babambila njila ne njila ne:
‘Yehowa mmuambe ne: “Nenuikale ne ditalala.”’+
Badi bambila muntu yonso udi ulonda muoyo wende wa tshitshiu ne:
‘Dikenga nansha dimue kadiakukukuata.’+
-
-
Yelemiya 28:1, 2Bible—Nkudimuinu wa bulongolodi bupiabupia
-
-
28 Mu tshidimu tshimue tshimue atshi, ku ntuadijilu kua bukokeshi bua Sedekiya+ mukalenge wa Yuda, mu tshidimu tshinayi, mu ngondo muitanu, muprofete Hananiya muana wa Azû wa ku Gibeona+ wakangambila mu nzubu wa Yehowa kumpala kua bakuidi ne kua bantu bonso ne: 2 “Mona tshidi Yehowa wa biluilu, Nzambi wa Isalele, wamba: ‘Nentshibule tshikokedi tshia mukalenge wa Babilona.+
-