13 Yehowa uvua anu udimuija Isalele ne Yuda ku butuangaji bua baprofete bende bonso ne mumonyi yonso wa bikena kumona+ wamba ne: “Lekelayi njila yenu mibi!+ Lamayi mêyi anyi ne mikenji yanyi mifunda bilondeshile mikenji yonso imvua muelele bankambua benu ne imvua munutumine ku butuangaji bua bena mudimu banyi baprofete.”

15 Yehowa Nzambi wa bankambua babu uvua anu ubadimuija ku diambuluisha dia bantu bavuaye utuma ne mikenji, ubadimuija misangu ne misangu, bualu uvua mumvuile tshisamba tshiende ne muaba wende wa kusombela luse.

17 Bakabenga kuteleja,+ ne kabakavuluka bienzedi biebe bia dikema biuvua muenze munkatshi muabu, kadi bakalua bena tshitunu,* bobu kuteka mfumu bua kupingana ku bupika buabu mu Ejipitu.+ Kadi wewe udi Nzambi udi mudiakaje bua kubuikidilangana,* udi uditeka pa muaba wa bakuabu* ne muikale ne luse, udi kayi ukuata tshiji lubilu ne muwule tente ne dinanga dia lulamatu,*+ ne kuvua mubalekele to.+

30 Wakabaleja lutulu+ bidimu bia bungi ne uvua anu ubadimuija ne nyuma webe ku butuangaji bua baprofete bebe, kadi bakabenga kuteleja. Ndekelu wa bionso wakabafila mu tshianza tshia bisamba bia mu maloba avua mabanyunguluke.+

4 Yehowa wakanutumina bena mudimu bende bonso baprofete, ubatuma njila ne njila,* kadi kanuakateleja anyi kuinyika ditshi dienu bua kumvua.+