26 Nunku bakapingana kudi Mose ne Alona ne tshisumbu tshijima tshia bena Isalele mu tshipela tshia Palana, ku Kadeshe.+ Bakalondela tshisumbu tshijima malu avuabu bamone, kubalejabu bimuma bia mu buloba abu. 27 Bakalondela Mose ne: “Tuvua babuele mu buloba buuvua mututume; bushuwa mbuloba budi ne mabele ne buitshi bia bungi;+ tangila bimuma bia muomu.+

10 “Pakubueja Yehowa Nzambi webe mu buloba buvuaye muditshipe kudi bankambua bebe Abalahama, Izaka, ne Yakoba bua kukupesha,+ buloba budi ne bimenga binene ne bimpe biuvua kuyi muibake,+ 11 nzubu miuwule ne bintu bimpe bia mishindu yonso biuvua kuyi mukuatshile mudimu, bina bia kulamina mâyi biuvua kuyi mumbule, ne madimi a tumuma tua mvinyo ne mitshi ya olive biuvua kuyi mukune, ne pawadia, wewe kukuta,+

7 Bualu Yehowa Nzambi webe udi uya nebe mu buloba buimpe,+ buloba budi ne tusulu tua mâyi,* mishimi ne mpokolo* bipueka mu tshibandabanda ne mu buloba bua mikuna, 8 buloba budi ne ntete ya blé, orje, mionji ya tumuma tua mvinyo, mitshi ya mfigi, ne mitshi ya bimuma bia grenade,+ buloba budi ne mafuta a olive ne buitshi,+ 9 buloba buikala biakudia kabiyi mua kukepa ne wewe kuyi ukengela tshintu, buloba budi ne mabue adi ne tshiamu tshifiike ne ku mikuna yabu nkuwumbuila tshiamu tshia mitaku.