13 Kadi nuakatungunuka ne kuenza malu onso aa,’ ke mudi Yehowa wamba, ‘nansha mumvua munuambile njila ne njila,* kanuvua bateleje to.+ Ngakatungunuka ne kunubikila, kadi kanuvua nuitaba to.+

4 Yehowa wakanutumina bena mudimu bende bonso baprofete, ubatuma njila ne njila,* kadi kanuakateleja anyi kuinyika ditshi dienu bua kumvua.+

15 Mvua mutungunuke ne kunutumina bena mudimu banyi bonso baprofete, mbatuma njila ne njila,*+ ngamba ne: ‘Kudimukayi koku, yonso wa kunudi umbuke ku njila yenu mibi,+ ne enzayi malu makane! Kanulondi nzambi mikuabu ne kanuyenzedi mudimu. Nunku nenutungunuke ne kusombela mu buloba bumvua munupeshe nuenu ne bankambua benu.’+ Kadi kanuakinyika ditshi dienu anyi kunteleja to.