27 Yehowa neanutangalaje munkatshi mua bisamba;+ anu bantu bakese ba kunudi ke bashala ne muoyo+ mu bisamba muikala Yehowa mua kuya nenu. 28 Kuoku aku nenutendelele nzambi ya mitshi ne ya mabue mienza ku bianza bia bantu,+ nzambi idi kayiyi mua kumona anyi kumvua anyi kudia anyi kununkila.

36 Yehowa neaye nebe ne mukalenge uudi uteka ku mutu kuebe kudi tshisamba tshiudi wewe ne bankambua bebe kanuyi bamanye,+ ne kuntu aku newenzele nzambi mikuabu mudimu, nzambi ya mitshi ne ya mabue.+