TSHIBUTSHILU TSHIA MIKANDA TSHIA KU ENTERNETE tshia Watchtower

2 Bakalenge 21:16

Bible—Nkudimuinu wa bulongolodi bupiabupia
- 16 Manashe wakela kabidi mashi avua kaayi ne bualu a bungi menemene panshi too ne pavuaye muwuje Yelushalema ku ditengu dimue too ne ku dikuabu,+ pa kumbusha mpekatu wende wa kufikisha Yuda ku dienza mpekatu pa kuenza malu mabi ku mêsu kua Yehowa.

Yeshaya 59:7

Bible—Nkudimuinu wa bulongolodi bupiabupia
- 7 Makasa abu adi aya lubilu bua kuenza malu mabi,
  Ne badi baya lukasa bua kuela mashi adi kaayi ne bualu panshi.+
  
  Meji abu mmeji a kuenzelangana bibi;
  Dibutuka ne dikenga bidi mu njila yabu.+

Yelemiya 2:34

Bible—Nkudimuinu wa bulongolodi bupiabupia
- 34 Nansha muntumpu webe udi ne makeji a mashi a bantu* bapele badi kabayi ne bualu,+
  Nansha mumvua tshiyi mubasangane munkatshi mua dibumbula;
  Adi ku muntumpu webe wonso.+

Muadi 4:13

Bible—Nkudimuinu wa bulongolodi bupiabupia
- 13 Bivua bua mpekatu ya baprofete bende, bilema bia bakuidi bende,+
  Bavua bele mashi a bantu bakane panshi munkatshi muende.+

Matayi 23:34, 35

Bible—Nkudimuinu wa bulongolodi bupiabupia
- 34 Bua bualu ebu, ndi nnutumina baprofete+ ne bena meji ne balongeshi.+ Nenushipe bamue ba kudibu ne nenubashipele+ ku mitshi, ne bakuabu nenubakume mfimbu+ mu nsunagoga yenu ne nenubakengeshe+ mu tshimenga ne mu tshimenga, 35 bua mashi a bantu bakane bonso avua maye panshi ikale pambidi penu: kumbukila ku mashi a muntu muakane Abele+ too ne ku mashi a Zekâya muana wa Balakiya unuvua bashipele pankatshi pa muaba munsantu ne tshioshelu.+