7 “Mona tshidi Mukalenge Mutambe Bunene Yehowa wamba: ‘Mona, ndi ntuma Nebukadenesâ* mukalenge wa Babilona bua kuluisha Tulo ufuma ku nord;+ yeye udi mukalenge wa bakalenge,+ muikale ne tubalu,+ matempu a mvita,+ basalayi babande pa tubalu, ne tshiluilu tshia basalayi ba bungi.*

19 “Nunku mona tshidi Mukalenge Mutambe Bunene Yehowa wamba: ‘Mona, ndi mpesha Nebukadenesâ* mukalenge wa Babilona+ buloba bua Ejipitu, yeye neaye ne biuma bia mu buloba ebu ne neanyengamu ne neapawulamu bintu bia bungi; ne buobu nebulue difutu bua tshiluilu tshiende.’