12 Pashishe mukalenge wakatuma dîyi kudi muakuidi Hilekiya, Ahikama+ muana wa Shafana, Akabô muana wa Mikaya, mufundi Shafana, ne Asaya muena mudimu wa mukalenge wamba ne: 13 “Ndayi, nuebeje Yehowa malu buanyi meme, bua tshisamba, ne bua Yuda mujima bua mêyi a mu mukanda udibu bapete eu; bualu tshiji tshia Yehowa tshidi tshitutemene ntshikole,+ bualu bankambua betu kabavua batumikile mêyi a mu mukanda eu bua kuenza malu onso adibu bafunde bua bualu buetu.”

13 Ke Nebuzaladana mfumu wa balami, Labasalisa* Nebushazabana, Labamaga* Nêgala-shalesê, ne bantu banene bonso ba mukalenge wa Babilona kutuma bantu 14 ne kupatuisha Yelemiya mu Lubanza lua balami,+ kumufilabu kudi Gedaliya+ muana wa Ahikama+ muana wa Shafana+ bua kuya nende ku nzubu kuende. Nunku yeye wakasombela munkatshi mua bantu.

5 Yelemiya kayi muanji kukudimuka, Nebuzaladana wakamba ne: “Pingana kudi Gedaliya+ muana wa Ahikama+ muana wa Shafana,+ udi mukalenge wa Babilona muteke ku mutu kua bimenga bia Yuda, ne usombe nende munkatshi mua bantu; peshi ndaku kuonso kuudi usungula bua kuya.”

Pashishe mfumu wa balami wakamupesha ndambu wa biakudia ne dipa, ne wakamulekela bua aye.