27 Pashishe wakangata dikopo, kusakidilaye Nzambi, yeye kubapeshadi, wamba ne: “Nuayi buonso buenu,+ 28 bualu etshi tshidi tshiumvuija ‘mashi anyi+ a tshipungidi’+ adi ne bua kuedibua panshi bua bantu ba bungi+ bua dibuikidibua dia mpekatu.+

20 Wakenza kabidi bia muomumue ne dikopo bobu bamane kudia biakudia bia dilolo, wamba ne: “Dikopo edi didi diumvuija tshipungidi tshipiatshipia+ tshijadika ne mashi anyi+ adi ne bua kuedibua panshi bua bualu buenu.+

25 Wakenza kabidi bia muomumue ne dikopo,+ bobu bamane kudia biakudia bia dilolo, wamba ne: “Dikopo edi didi diumvuija tshipungidi tshipiatshipia+ tshijadika ne mashi anyi.+ Dîba dionso dinudi nudinua, nutungunuke ne kuenza nunku bua kumvuluka.”+

8 Kadi udi ukuata bantu tshilema padiye wamba ne: “‘Monayi! Matuku adi alua,’ ke mudi Yehowa* wamba, ‘angadia tshipungidi tshipiatshipia ne nzubu wa Isalele ne nzubu wa Yuda. 9 Katshiakuikala bu tshipungidi tshimvua mudie ne bankambua babu dituku dimvua mubakuate ku tshianza bua kubapatula mu buloba bua Ejipitu to,+ bualu kabavua bashale mu tshipungidi tshianyi, kuenzabi bua ndekele kutangila malu abu,’ ke mudi Yehowa* wamba.

10 “‘Bualu etshi ntshipungidi tshingadia ne nzubu wa Isalele panyima pa matuku au,’ ke mudi Yehowa* wamba. ‘Nenteke mikenji yanyi mu meji abu, ne nenyifunde mu mioyo yabu.+ Nendue Nzambi wabu, ne bobu nebalue bantu banyi.+

11 “‘Kabakuikala kabidi balongeshangana muntu ne muena mu tshisamba tshiabu anyi muntu ne muanabu bamba ne: “Manya Yehowa!”* Bualu buonso buabu nebammanye, kubangila ku udi mutambe bukese too ne ku udi mutambe bunene wa kudibu. 12 Bualu nembafuile luse bua bienzedi biabu bidi kabiyi biakane, ne tshiakuvuluka kabidi mpekatu yabu nansha.’”+