Neatuadile miaba yende yonso ya bikulu busambi,+

Ne neavuije tshipela tshiende bu Edene+

Ne mpata wende wa tshipela bu budimi bua Yehowa.+

Disanka dikole ne masanka nebikale munda muende,

Diela tuasakidila ne musambu muimpe.+

“Tangila, ndi nsangisha bakuatshibue ba mu ntenta ya Yakoba,+

Ne nengumvuile nzubu yende ya ntenta luse.

Nebibakulule tshimenga etshi pa kakunakuna kende,+

Ne tshibumba tshikolesha netshimane pa muaba watshi udi mukumbane.

Nembavudije, kabakuikala bakese to;+

Nembavuije ba bungi,*

Ne kabakuikala bakese to.+

14 Nempingaje bakuatshibue ba mu bantu banyi bena Isalele,+

Ne nebibakulule bimenga bivua bishiya munda mutupu ne nebasombelamu;+

Nebadime madimi a tumuma tua mvinyo ne nebanue mvinyo wayi,+

Ne nebadime madimi ne nebadie mamuma awu.’+