19 Dîba dionso divua bifukibua bidi ne muoyo biasa luendu, nkata ivua payi yasa luendu pamue nabi, ne pavua bifukibua bidi ne muoyo bijuka pa buloba bibanda muulu, nkata ivua payi ibanda muulu.+ 20 Bivua biya kuonso kuvua nyuma ubisaka bua kuya, kuonso kuvua nyuma uya. Nkata ivua ibanda muulu pamue nabi, bualu nyuma uvua wenzeja bifukibua bidi ne muoyo malu* ke uvua kabidi mu nkata. 21 Pavuabi biasa luendu, ivua payi yasa luendu; ne pavuabi bimana, ivua payi imana; pavuabi bijuka pa buloba bibanda muulu, nkata ivua ibanda muulu pamue nabi, bualu nyuma uvua wenzeja bifukibua bidi ne muoyo malu ke uvua kabidi mu nkata.