TSHIBUTSHILU TSHIA MIKANDA TSHIA KU ENTERNETE tshia Watchtower

Yeshaya 30:10

Bible—Nkudimuinu wa bulongolodi bupiabupia
- 10 Badi bambila bamonyi ba malu ne: ‘Kanumonyi,’
  
  Ne bamonyi ba bikena kumona ne: ‘Kanutuambidi bikena kumona bilelela to.+
  
  Tuambilayi malu adi afunya;* monayi bikena kumona bia dishima.+

Yelemiya 23:25

Bible—Nkudimuinu wa bulongolodi bupiabupia
- 25 “Ndi mumvue baprofete badi bamba mêyi a buprofete a dishima mu dîna dianyi, bamba ne: ‘Mvua mulote! Mvua mulote!’+

Muadi 2:14

Bible—Nkudimuinu wa bulongolodi bupiabupia
- 14 Bikena kumona bivua baprofete bebe bakumuenene bivua bia dishima ne bia patupu,+
  Kabavua bele tshilema tshiebe patoke bua kumona mua kutshingulula dikuatshibua diebe,+
  Kadi bakatungunuka ne kukumuenena malu a dishima ne adi apambuisha.+

Yehezekele 13:9, 10

Bible—Nkudimuinu wa bulongolodi bupiabupia
- 9 Tshianza tshianyi tshidi tshiluisha baprofete bena bikena kumona bia mafi ne badi bamanyisha malu a dishima.+ Kabakuikala munkatshi mua bantu banyi bandi ngeyemena to; kabakubafunda nansha mu mukanda wa mêna a ba mu nzubu wa Isalele to; ne kabakupingana mu buloba bua Isalele nansha; ne nuenu nenufike ku dimanya ne: meme ndi Mukalenge Mutambe Bunene Yehowa.+ 10 Bionso ebi bidi bienzeka bualu mbapambuishe bantu banyi padibu bamba ne: “Ditalala didiku!” padiku kakuyi ditalala.+ Padibu bibaka tshimanu tshitekete, badi batshishinguila ne lupemba.’*+