47 Mukalenge wakambila Danyele ne: “Bulelela, Nzambi wenu udi Nzambi wa banzambi ne Mfumu wa bakalenge ne Musokolodi wa malu masokoka, bualu wewe uvua mukokeshe bua kusokolola bualu busokoka ebu.”+ 48 Pashishe, mukalenge wakabandisha Danyele muanzu, kumupeshaye mapa mimpe a bungi, ne kumuvuijaye mfumu ku mutu kua provense* mujima wa Babilona+ ne mfumu mulombodi ku mutu kua bena meji bonso ba mu Babilona.