6 Mu matuku ende Yuda neapandishibue,+ ne Isalele neasombe mu bukubi.+ Dîna dikalabu bamubikila didi nunku: Yehowa udi buakane buetu.”+

25 “‘Mona tshidi Mukalenge Mutambe Bunene Yehowa wamba: “Pangasangisha kabidi nzubu wa Isalele kumbukila munkatshi mua bukua bantu muvuabu babatangalaje,+ nendileje wa tshijila munkatshi muabu ku mêsu kua bisamba.+ Nunku nebasombe mu buloba buabu+ bumvua mupeshe muena mudimu wanyi Yakoba.+ 26 Nebasombamu talalaa,+ nebibake nzubu ne nebadime madimi a tumuma tua mvinyo,+ ne nebasombe talalaa pangakumbaja dilumbuluisha kudi bonso badi babanyunguluke badi babenzela malu ne dipetu;+ nunku nebafike ku dimanya ne: meme ndi Yehowa Nzambi wabu.”’”

21 “Pashishe, bambila ne: ‘Monayi tshidi Mukalenge Mutambe Bunene Yehowa wamba: “Nempatule bena Isalele munkatshi mua bisamba mudibu baye, nembasangishe pamue bafumina ku nseke yonso ne nenye nabu mu buloba buabu.+