10 “Pakubueja Yehowa Nzambi webe mu buloba buvuaye muditshipe kudi bankambua bebe Abalahama, Izaka, ne Yakoba bua kukupesha,+ buloba budi ne bimenga binene ne bimpe biuvua kuyi muibake,+ 11 nzubu miuwule ne bintu bimpe bia mishindu yonso biuvua kuyi mukuatshile mudimu, bina bia kulamina mâyi biuvua kuyi mumbule, ne madimi a tumuma tua mvinyo ne mitshi ya olive biuvua kuyi mukune, ne pawadia, wewe kukuta,+ 12 udimuke bua kupu Yehowa muoyo,+ yeye uvua mukupatule mu buloba bua Ejipitu, mu nzubu wa bupika.

12 Paudi udia, ukuta, wasa nzubu mimpe ne usombamu,+ 13 pikala ngombe yebe ne mikoko yebe bivulangane ne arjan ne or yebe milue ya bungi ne wewe muikale ne bintu bionso bia bungi, 14 kulekedi muoyo webe upeta lutambishi+ ne ukusaka bua kupua Yehowa Nzambi webe muoyo, yeye uvua mukupatule mu buloba bua Ejipitu, mu nzubu wa bupika,+

15 Pakadiunda Yeshuluna,* wakatua museba ne buntomboji.

Udi mudiunde, udi mulue ne bujitu, udi muase difu.+