15 Bakatungunuka ne kubenga mêyi ne mikandu biende ne tshipungidi tshiende+ tshivuaye mudie ne bankambua babu ne mavuluija ende avuaye mufile bua kubadimuija,+ ne bakatungunuka ne kulonda mpingu ya tshianana,+ kuluabu pabu bantu tshianana,+ bidikija bisamba bivua bibanyunguluke bivua Yehowa mubatumine dîyi bua kubenga kuidikija.+

16 Bakatungunuka ne kulekela mêyi onso a Yehowa Nzambi wabu, ne bakenza mpingu ya tshiamu* ya tuana tua ngombe tubidi,+ bakenza ne mutshi wa tshijila,*+ bakinamina musumba wonso wa bintu bia mu diulu+ ne bakenzela Bâla mudimu.+