11 Udi ne bua kuangata arjan ne or, kuenza tshifulu tshia butumbi* ne kutshiasa ku mutu kua Yoshua+ muana wa Yehosadaka, muakuidi munene. 12 Muambila ne:

“‘Mona tshidi Yehowa wa biluilu wamba: “Eu ke muntu udi ne dîna ne: Lutonga.+ Yeye neatolokele muaba wende, ne neibake ntempelo wa Yehowa.+ 13 Yeye ke muntu wibaka ntempelo wa Yehowa, ne yeye ke muntu wangata bunême. Yeye neasombe mu nkuasa wende wa bukalenge ne neakokeshe, ne yeye neikale kabidi muakuidi mu nkuasa wende wa bukalenge,+ ne nekuikale diumvuangana dia ditalala pankatshi pa bibidi ebi.*