40 Kuakalua kabidi muena nsudi mukuabu, umusengelela mutue ne binu, umuambila ne: “Wewe musue udi mua kundengejaku.”+ 41 Nunku Yezu wakumvua luse, wakolola tshianza, kumulengaye ne kumuambila ne: “Ndi musue! Lengejibua.”+ 42 Diakamue nsudi yende yakajimina, kulengejibuaye. 43 Pashishe wakamukandika bikole, kumupingajaye diakamue, 44 umuambila ne: “Wamanya kuambidi muntu bualu ebu to, kadi ndaku, udileje kudi muakuidi, ne bua dilengejibua diebe ufile bintu bivua Mose muambe,+ bua tshikale bujadiki kudibu.”+

12 Musangu mukuabu, pavuaye mu tshimue tshia ku bimenga, mona! kuvua muntu mukuabu uvua ne nsudi ya bungi menemene! Pakamonaye Yezu, wakatua mpala wende panshi, kumusengelelaye ne: “Mukalenge, wewe musue udi mua kundengejaku.”+ 13 Nunku, wakolola tshianza, kumulengaye, wamba ne: “Ndi musue! Lengejibua.” Diakamue nsudi ayi yakumbuka kudiye.+ 14 Pashishe wakatumina muntu au dîyi bua kambidi muntu mukuabu bualu abu to. Kumuambilaye ne: “Kadi ndaku, udileje kudi muakuidi ne ufile mulambu bua dilengejibua diebe anu bu muvua Mose muambe,+ bua tshikale bujadiki kudibu.”+