30 Nunku, wakamba kabidi ne: “Tudi mua kufuanyikija Bukalenge bua Nzambi ne tshinyi? Peshi tudi mua kubumvuija ne tshilejilu kayi? 31 Budi bu lutete lua mutâda, dîba divuabu balukune mu buloba luvua lutete lutambe bukese ku mamiinu onso pa buloba.+ 32 Kadi padibu balukuna, ludi lukola, lulua lunene kupita bisekiseki bikuabu bionso ne ludi lupatula matamba manene, nunku nyunyi ya mu diulu idi ipetela muaba wa kusomba mu mundidimbi watshi.”

18 Ke yeye kuamba kabidi ne: “Bukalenge bua Nzambi budi bu tshinyi? Ndi mua kubufuanyikija ne tshinyi? 19 Budi bu lutete lua mutâda luvua muntu mukuabu muangate, mukune mu budimi buende, luakakola, kulualu mutshi, ne nyunyi ya mu diulu yakenzela masua ku matamba awu.”+