38 Ke muakuidi Sadoka, muprofete Natana, Benaya+ muana wa Yehoyada, ne bena Kelete ne bena Pelete+ kupuekabu ne kubandishabu Solomo pa mpunda wa mukalenge Davidi,+ kuyabu nende ku Gihona.+

40 Pashishe bantu bonso bakamulonda ne bakabanda, benda bela nshiba ne basanka bikole, buloba kufikabu too ne ku dipandika bua mitoyi yabu.+

7 Bakatuadila Yezu muana wa mpunda,+ kutekabu bilamba biabu bia pa mutu pa nyima pende, Yezu kusombapu.+ 8 Kabidi, bantu ba bungi bakadija bilamba biabu bia pa mutu mu njila, kadi bakuabu bakakosa bisalasala bia mitshi mu mpata.+ 9 Bantu bavua baya kumpala kuende ne bavua bamulonda panyima bavua batungunuka ne kuela mbila bamba ne: “Tudi tulomba, pandisha!*+ Eu udi ulua mu dîna dia Yehowa* mmubeneshibue!+ 10 Bukalenge bua tatu wetu Davidi budi bulua mbubeneshibue!+ Tudi tulomba, pandisha, muulu mutumbuke amu!” 11 Wakabuela mu Yelushalema, ne kubuelaye mu ntempelo, wakatangila bintu bionso; kadi bu mukavua dîba diye, wakapatuka kuyaye ku Betania ne bapostolo 12.+

14 Pakapeta Yezu muana wa mpunda, wakasomba pa nyima pende,+ anu mudibu bafunde ne: 15 “Kutshinyi, wewe muana wa bakaji wa Siona. Mona! Mukalenge webe udi ulua musombe pa muana wa mpunda.”+