• Musambu 22:16-18
    Bible—Nkudimuinu wa bulongolodi bupiabupia

    • 16 Bualu mbua mminnyunguluke;+

      Idi intshintshimika bu tshisumbu tshia benji ba malu mabi,+

      Idi ku bianza bianyi ne ku makasa anyi bu ntambue.+

      17 Ndi mua kubala mifuba yanyi yonso.+

      Badi bantangila, bashala bandengamene.

      18 Badi babanyangana bilamba bianyi,

      Ne badi belela bilamba bianyi nshobo.+

  • Yeshaya 53:1-12
    Bible—Nkudimuinu wa bulongolodi bupiabupia

    • 53 Nnganyi udi muitabuje bualu budibu bumvuile kutudi?*+

      Ne bua diboko dia Yehowa,+ nnganyi udibu badisokoluele?+

       2 Yeye neapatuke bu lutonga+ kumpala kuende,* bu muji upatuka mu buloba bume.

      Kena ne tshimuenekelu tshia nsongo, kena ne bulengele;+

      Ne patudi tumumona, mpala wende kena utukoka kudiye.*

       3 Bavua bamupetule ne bamuepuke kudi bantu,+

      Muntu uvua mufundila* makenga ne uvua muibidilangane ne disama.

      Bivua anu bu ne: bavua batusokoke mpala wende.*

      Bavua bamupetule, ne tuetu katuakamutua mushinga.+

       4 Bushuwa, yeye muine uvua muambule mabedi etu,+

      Ne uvua muangate makenga etu.+

      Kadi tuetu tuakamuangata bu mututshibue, mukumibue kudi Nzambi ne mukengeshibue.

       5 Kadi bakamutubula+ bua dishipa dietu dia mikenji;+

      Bakamuzaza bua bilema bietu.+

      Wakambula dinyoka bua ditalala dietu,+

      Ne bua mputa yende tuetu tuakuondopibua.+

       6 Bu mikoko, tuetu bonso tudi batambakane eku ne eku,+

      Muntu ne muntu mmulonde wende njila,

      Ne Yehowa mmuenze bua tshilema tshietu tuetu bonso tshimukuate yeye.+

       7 Wakakengeshibua,+ kulekelaye bamukengesha,+

      Kadi kavua ubulula mukana muende.

      Bakaya nende bu mukoko ku tshishipelu,+

      Bu dishina dia mukoko didi dipuwe kumpala kua badikoshi ba miosa,

      Ne kavua ubulula mukana muende.+

       8 Bua dibambakajibua* ne dilumbuluisha, yeye wakumbushibua;

      Ne nnganyi waditatshisha bua malu onso a mu tshipungu tshiende?*

      Bualu yeye wakumbushibua mu buloba bua badi ne muoyo;+

      Bua dishipa dia mikenji dia bantu banyi, yeye wakakumibua.*+

       9 Bakamupesha muaba wa kumujiikilabu* pamue ne bantu babi,+

      Ne pamue ne babanji* ku lufu luende,+

      Nansha muvuaye kayi muenze bualu bubi*

      Ne kakuvua dishima mukana muende nansha.+

      10 Kadi disua dia Yehowa divua dia* kumuzaza, ne yeye wakamulekela usama.

      Wewe mufile muoyo* wende bu mulambu wa dipila,+

      Yeye neamone bana bende,* nealepeshe matuku ende,+

      Ne ku butuangaji buende tshidi tshisankisha* Yehowa netshikumbane.+

      11 Bua kanyinganyinga kende,* yeye neamone ne neasanke.

      Ku diambuluisha dia dimanya diende, muakane, muena mudimu wanyi,+

      Neafikishe bantu ba bungi ku nsombelu wa bantu bakane,+

      Ne neambule bilema biabu.+

      12 Bua bualu abu nemmupeshe tshitupa munkatshi mua bantu ba bungi,

      Ne neabanyangane bintu binyenga ne bantu ba bukole,

      Bualu yeye wakupumuna muoyo* wende too ne ku lufu+

      Ne wakabadibua munkatshi mua bashipi ba mikenji;+

      Wakambula mpekatu wa bantu ba bungi,+

      Ne wakakuila bashipi ba mikenji.+

  • Danyele 9:26
    Bible—Nkudimuinu wa bulongolodi bupiabupia

    • 26 “Panyima pa mbingu 62, Masiya neumbushibue,*+ kayi ne tshiende tshintu nansha tshimue.+

      “Tshisamba tshia mulombodi udi ulua netshibutule tshimenga ne muaba watshi wa tshijila.+ Nshikidilu wawu neafumine ku mâyi a bungi mapasalale. Mvita neyikalaku too ne ku nshikidilu; tshidibu bapangadije nkabutu.+