16 Pashishe, Bafalese ne Basadoke bakasemena kudiye, ne bua kumuteta, bakamulomba bua abaleje tshimanyinu tshia mu diulu.+ 2 Wakabandamuna ne: “Padi dilolo dikumbana, nutu nuamba ne: ‘Kuulu nekuikale kuimpe, bualu diulu ndikunzubile,’ 3 ne mu dinda, nutu nuamba ne: ‘Lelu nekuikale mashika ne mvula, bualu diulu ndikunzubile kadi dikale difikuluke.’ Nudi bamanye mua kujingulula tshimuenekelu tshia diulu, kadi kanuena mua kujingulula bimanyinu bia bikondo to.