28 Pakafikaye dishiya mu buloba bua bena Gadala, bantu babidi bavuabu bakuate kudi bademon bavua bapatuka mu nkita* bakasambakena nende.+ Bavua ne tshikisu tshia dikema, nunku kakuvua muntu uvua ne dikima dia kupitshila mu njila au to. 29 Monayi! bakela dîyi dikole, bamba ne: “Tudi nebe tshilumbu kayi, Muana wa Nzambi?+ Udi mulue bua kutukengesha+ tshikondo tshisungula katshiyi tshianji kukumbana+ anyi?”