23 Pakafikaye mu nzubu mua mfumu au, wakamona bedi ba nshiba ne musumba wa bantu benza mitoyi ya bungi,+ 24 Yezu wakamba ne: “Shiyayi muaba, bualu bua muana wa bakaji ki mmufue to, kadi mmulale.”+ Bua bualu abu, bakatuadija kumuseka ne kapeja. 25 Pakapatulabu musumba wa bantu pambelu, yeye wakabuela, kumukuataye ku tshianza,+ muana wa bakaji kujukaye.+ 26 Bushuwa, lumu lua bualu ebu luakatangalaka mu tshitupa atshi tshijima.

38 Nunku bakafika ku nzubu kua mutangidi wa nsunagoga, kumonaye bantu benza mutoyi wa bungi ne aba bavua badila ne bela kabobo ka muadi ne dîyi dikole.+ 39 Yeye mumane kubuela mu nzubu, wakabambila ne: “Bua tshinyi nudi nudila, nuenza mutoyi wa bungi nunku? Muana ki mmufue to, kadi mmulale.”+ 40 Bua bualu abu, bakatuadija kumuseka ne kapeja. Kadi yeye mumane kupatula bantu bonso pambelu, wakangata tatuende wa muana ne mamuende ne bavuaye nabu, kubuelaye nabu muaba uvua muana. 41 Pashishe, wakakuata ku tshianza tshia muana, kumuambilaye ne: “Talita kumi,” padibu bakudimuna miaku eyi, idi yumvuija ne: “Muana wa bakaji, ndi nkuambila ne: ‘juka!’”+ 42 Diakamue muana wa bakaji wakajuka, kutuadijaye kuenda. (Uvua ne bidimu 12.) Musangu umue biakabapitshila, kumvuabu disanka dia dikema. 43 Kadi wakabatumina dîyi njila ne njila* bua kabambidi muntu bualu ebu,+ kuambaye bua bamupeshe tshiakudia.

11 Yeye mumane kuamba malu aa, wakamba kabidi ne: “Mulunda wetu Lazalo mmulale,+ kadi ndi nyaku bua kumubisha.”

60 Pashishe wakatua binu, kuelaye dîyi dikole ne: “Yehowa,* kubabadidi mpekatu eu to.”+ Yeye mumane kuamba nanku, wakalala tulu mu lufu.

36 Ku luende luseke, Davidi wakenzela Nzambi mudimu* mu tshikondo tshiende, kulalaye tulu mu lufu, kumujiikabu ne bankambua bende, ne kubolaye bushuwa.+