14 “Neungenzele tshibilu misangu isatu ku tshidimu.+ 15 Newenze Tshibilu tshia Mampa kaayi mela Luevene.+ Neudie mampa kaayi mela luevene matuku muanda mutekete pakumbana tshikondo mu ngondo wa Abiba,*+ anu mundi mukutumine dîyi bua kuenza, bualu tshikondo atshi ke tshiuvua mupatuke mu Ejipitu. Muntu nansha umue kena ne bua kumueneka kumpala kuanyi bianza bitupu to.+

16 “Misangu isatu ku tshidimu bantu balume bebe bonso nebamueneke kumpala kua Yehowa Nzambi webe muaba udiye musungule: mu Tshibilu tshia Mampa kaayi mela Luevene,+ mu Tshibilu tshia Mbingu+ ne mu Tshibilu tshia Bitanda,*+ ne muntu nansha umue wa kudibu kamueneki kumpala kua Yehowa bianza bitupu to.