19 Nunku yeye wakambila misumba ya bantu bua kudiadija mu mashinde. Pashishe wakangata mampa atanu au ne mishipa ibidi ayi, kutangilaye mu diulu, kusakidilaye Nzambi,+ ne yeye mumane kutshibula mampa, wakaapesha bayidi bende ne bayidi bakaapesha misumba ya bantu. 20 Nunku bantu bonso bakadia, bakukuta, ne bakangula bipese bivua bishale, bisaka 12 biuwule tente.+ 21 Pabi, bavua badie bavua bantu balume batue ku 5 000, kabidi ne bakaji ne bana.+

39 Nunku wakambila bantu bonso bua kudiadijabu mu mashinde mabishi bisumbu bisumbu.+ 40 Ke bobu kudiadija mu bisumbu bia bantu lukama ne bia bantu 50. 41 Nunku wakangata mampa atanu au ne mishipa ibidi ayi, kutangilaye mu diulu, kusakidilaye Nzambi.+ Pashishe wakatshibula mampa, kutuadijaye kuapesha bayidi bua baateke kumpala kua bantu ne wakabanya mishipa ibidi ayi bua bantu bonso. 42 Nunku bantu bonso bakadia, bakukuta, 43 ne bakangula bisaka 12 biuwule tente ne bipese, pa kumbusha mishipa.+ 44 Bantu bavua badie mampa au bavua bantu balume 5 000.

14 Mu bulelela, kuvua bantu balume batue ku 5 000. Kadi wakambila bayidi bende ne: “Basombeshayi mu bisumbu bia bantu batue ku 50 ku tshisumbu tshionso.” 15 Bakenza nanku, kubasombeshabu bonso. 16 Nunku wakangata mampa atanu au ne mishipa ibidi ayi, kutangilaye mu diulu, kubibeneshaye. Pashishe wakabitshibula, kutuadijaye kubipesha bayidi bua babiteke kumpala kua musumba wa bantu. 17 Nunku bantu bonso bakadia, bakukuta, ne bakangula bipese bivua bishale, bisaka 12.+